جۆرەکانی نەخۆشی وەسوەسەیی

جۆرەکانی نەخۆشی وەسوەسەیی

وەسوەسەی شۆردن

وەسوەسەی شۆردن یەکێکە لە جۆرەکانی نەخۆشی وەسوەسەیی. ئەو کەسانەی تووشی نەخۆشیی وەسوەسەن هەندێک ڕێوڕەسم پەیڕەو دەکەن. هەر جارێک کە خۆیان دەشۆن، شێوەی ڕۆتینی دووبارەبووەوە ئەنجام دەدەن بۆ ئەوەی هیچ جۆرە پیسبوونێک نەمێنێت

:نیشانەکانی نەخۆشی وەسوەسەیی شۆردن

شوشتنی پەنجەکانی هەر دەستێک بەجیا1

داخستنی شیر ئاو بە ئامێرێکی دەستی وەک خاولی یان دەستکێش بۆ ڕێگریکردن لە دووبارە پیسبوونی دەستەکان

بەکارهێنانی پاککەرەوەی دەست دوای هەر جارێک دەست لێدان لە کەلوپەلەکان لە ژینگەی دەرەوە

دوش گرتن بە ڕێوڕەسمی تایبەت کە دەبێتە هۆی بەسەربردنی کاتژمێری زۆر لە حەمامدا

شوشتنی ددان بۆ ماوەیەکی زۆر و درێژخایەن

پاککردنەوەی ئاودەستەکان زۆرجار و لە کاتێکی دیاریکراوی شەو و ڕۆژدا

دەستکێش بەکارهێنان بۆ کردنەوەی دەرگا

پاککردنەوەی زۆر لە کەلوپەلی ناوماڵ

نەبوونی لە هەندێک شوێن بەهۆی ترس لە پیسبوون

گۆڕینی جل و بەرگ چەند جارێک لە ڕۆژدا

: نەخۆشی وەسوەسەیی پشکنین

کەسێک کە تووشی نەخۆشی وەسوەسەی پشکنین بووە، هەوڵدەدات هەموو ئەو ئامێر و ڕەفتارانە بپشکنێت کە ڕەنگە بە دروستی ئەنجام نەدرێت. لە ڕاستیدا مرۆڤ بە وەسوەسەی پشکنین، دەزانێت کە بەرپرسیارە لە ڕێگریکردن لە ڕووداوە خراپەکان و بە پشکنینی شتی جۆراوجۆر ڕێگری دەکات لە ڕوودانی ڕووداوی ناخۆش. ئەم جۆرە وەسوەسەیە دووەم وەسوەسەی باو لە دوای شۆردن.

:نیشانەکانی نەخۆشی وەسوەسەیی پشکنین

ترس و نیگەرانی دەروونی لە ڕوودانی شتی خراپ و ناخۆش بۆ خۆت و کەسانی تر

بیرکردنەوە تێکدەرەکان کە ئەگەر شتێک بە باشی ئەنجام نەدرێت، زیان بە مرۆڤ و کەسانی دیکە دەگەیەنێت. هەر لەبەر ئەم هۆکارەش ​​پێیان وایە بە ئەنجامدانی ڕێگری لە ڕووداوە خراپەکان دەکرێت(وەک کوژاندنەوەی سۆپا و چرا)

ترس لە لەبیرکردنی شتێک

ترس لە هەڵەکردن یان وتنی شتێکی ناخۆش

ترس لە تووشبوون بە نەخۆشییەکی مەترسیدار

:وەسوەسەی گومان

وەسوەسەی گومان یەکیکی ترە لە جۆرەکانی نەخۆشی وەسوەسەیی، ئەم وەسوەسەیە یەکێکە لە تێکچوونە دەروونییە بێزارکەره کانن کە نیشانەکانی وردە وردە گەشە دەکەن. لەم تێکچوونەدا مێشکی کەسەکە تێوەگلاوە لە تێکدانی بیرکردنەوەکان سەبارەت بەو بابەتانەی کە لە ژیاندا زۆر گرنگن. بۆ نموونە دەتوانین ئاماژە بە کەسانی ئایینی بکەین کە ڕووبەڕووی بیرکردنەوەی وەسوەسەیی دەبنەوە سەبارەت بە دروستی پراکتیزە ئاینییەکان، وەک دەستنوێژ و خۆشۆردن و نوێژکردن و ڕەنگە چەندین جار پراکتیزە ئاینییەکان دووبارە بکەنەوە بۆ ڕزگاربوون لەم دڵەڕاوکێیە.

:نەخۆشی وەسوەسەیی ڕێکوپێکی

تێکچوونێکی دەروونییە کە ئاماژەیە بۆ زۆر گرنگیدان لەسەر ڕێکخستنی هەندێک شتی تایبەت، بە شێوەیەک کە کەسانی تووشبوو، کاتێک ڕووبەڕووی دۆخێک دەبنەوە کە شتەکان بە دروستی ڕێک نەخراون، یەک ڕیز نین یان ناتەواو دەردەکەون، هەست بە دڵەڕاوکێ دەکەن. دەکرێ بڵێین ئەم جۆرە وەسوەسە پەیوەندی بە خولێکی بەردەوامی وەسوەسە و دڵەڕاوکێ و تێکچوونی ناچارییەوە هەیە، وە ئارەزووی بەهێزیان هەیە بۆ ئەوەی شتەکان دووبارە و سێبارە ڕێکبخەنەوە وە توانای ئەوەیان هەیە بۆ پێکەوە دانانی شتەکان بە شێوەیەکی قبوڵکراو و ڕێک و پێک کاتێکی زۆر بەسەر بەرن. دەتوانن چەندین جار ناوەڕۆکی نووسراو بسڕنەوە و دووباره بینوسنەوە.

ئەو ڕەفتارانەی کە بەهۆی وەسوەسەی  ڕێکوپێکی دروست دەبن زۆرجار بۆ کەسانی دەوروبەر و هاوڕێیان بێزارکەر دەردەکەون. هەرچەندە ئەو کەسانەی ئەم نەخۆشییەیان هەیە دوای ڕێکخستنی شتەکان هەست بە ئاسوودەیی دەکەن، بەڵام لە زۆربەی حاڵەتەکاندا هەستی نەرێنی و قێزەونیان هەیە بەرامبەر بەم نەخۆشییە، چونکە دڵەڕاوکێیەکی توند لێیان سەرهەڵدەدات کاتێک دەیانەوێت شتەکان ڕێکبخەن و ناتوانن ئەم ڕەفتارە ڕابگرن. ئەمە بۆ هەموو تووشبووان ڕاست نییە و هەندێکیان پێیان وایە ڕەفتاری وەسوەسەیی خۆیان لۆژیکی و پێویستن

:نیشانەکانی وەسوەسەی ڕێکوپێکی

ترس لە ناهاوسەنگ بوون(بۆ نموونە هەوڵ دەدەن لە نێوان هێڵەکانی بەردی قیرتاوکردندا بڕۆن بە فشارێکی یەکسان لەسەر هەر پێیەک)

مەیلێک بۆ ئەوەی شتەکان هاوسەنگ بکات. (بۆ نموونە لە کاتی خواردنی زەڵاتەدا هەوڵ دەدات بە وریاییەوە و بە سەبرەوە تەماتەیەک یان شتێکی تر بخاتە ناو بەشێکی دیاریکراوی قاپەکەوە و دواتر بیخوات)

:وەسوەسە بۆ کۆکردنەوە

ئەو کەسانەی ئەم نەخۆشییەیان هەیە بەرەنگاری فڕێدانی ئەو شتانە دەبنەوە کە پێویستیان پێی نییە.

کۆکردنەوە بۆ زۆر کەس خولیایەکی سەرنجڕاکێشە. چی ئەم کۆمەڵە سەرنجڕاکێشانە لە تێکچوونی کلینیکی جیا دەکاتەوە؟ بۆ ئەو کەسانەی کە تووشی نەخۆشی کۆکردنەوە بوون، پێویستی بەدەستهێنان تەنها بەشێکە لە کێشەکەیانه. کێشە گەورەکە ئەوەیە، لەکاتێکدا کە شتەکان هیچ بەهایەکی تایبەتیان نییە، بەڵام دەترسن کەسانی دیکە دەستیان لێبدەن. نزیکەی دوو لەسەر سێی ئەو کەسانەی کە تووشی نەخۆشی کۆکردنەوە بوون ئاگاداری نەخۆشیەکەیان نین. ئەو کەسانەی کە تووشی نەخۆشی کۆکردنەوە بوون زۆر وابەستەی کەلوپەلەکانیانن و زۆر هەوڵی پاراستنیان دەدەن. تێکچوونی کۆکردنەوە لە هەندێک کەسدا دەبینرێت کاتێک باس لە بەخێوکردنی ئاژەڵ دەکرێت.

: وەسوەسەی قژ کێشان

نەخۆشییەکی درێژخایەنە و بە بەردەوامی ڕاکێشانی قژ لە ژێر کاریگەری زیادبوونی گرژیدا دەناسرێتەوە کە کەم تا زۆر دەبێتە هۆی هەڵوەرینی قژ. ئەم نەخۆشییە لانیکەم لە سەدەی دوازدەهەمەوە ناسراوە. گرنگترین پێوەرەکانی دەستنیشانکردنی ئەم نەخۆشییە بریتییە لە ڕاکێشانی بەردەوامی قژه و ئەم ڕاکێشانی قژ دەتوانێت لە هەر بەشێکی جەستەدا ڕووبدات. بڵاوبوونەوەی ئەم نەخۆشییە لە ماوەی ساڵێکدا نزیکەی لەسەدا یەک بۆ دووە و لە پیاوان زیاتر لە ژنان ڕوودەدات.

:وەسوەسەی خاوبوون

کەسێک کە ئەم نەخۆشییە هەیە بۆ ئەنجامدانی کارەکانی ڕۆژانە بەهۆی نیگەرانییەکی زۆر لە وردبینی یان تەواوەتی لەوانەیە کاتێکی زۆر بەسەر ببات. درێژکردنەوەی ئەرکەکان لە کاتێکدا دەتوانرێت لە کاتێکی دیاریکراو و ئاساییدا ئەنجام بدرێت. لەوانەیە نەخۆشەکە نیو کاتژمێر بەسەر ببات و ددانەکانی بشوات، بۆ ماوەی کاتژمێرێک ڕیش تاشین، یان دوش بگرێت بۆ ماوەی ٤ کاتژمێر و هتد. ڕوونە کە ئەم جۆرە تێکچوونە بە توندی ژیانی مرۆڤ تێکدەدات.

: وەسوەسەی ئایینی

جۆرێکە لە دەرکەوتنی وەسوەسە کە مرۆڤ دەبێتە هۆی وەسوەسەی ترسە ئایینی و ڕۆحییەکانی، ئەم ترسانە بەگشتی به ئەو ناچارکردنانە دەگرێتەوە کە پەیوەندییان بەو کردارانەوە هەیە کە مرۆڤ هەوڵدەدات لە ڕوودانیان ڕێگری بکات. بۆ نموونە کەسێک کە تووشی ئەم نەخۆشییە بووە، ترسی ئەوەی هەیە بچێتە دۆزەخەوە، بۆیە هەمیشە دوعا دەکات بۆ ئەوەی گوناهەکانی بشۆردرێت. لەکاتێکدا پێویستە ئایین مایەی ئارامی بێت و ئامرازی دڵەڕاوکێ نەبێت ئەو کەسانەی تووشی ئەم وەسوەسە دەبن زۆرجار ترسیان هەیە کە پەیوەندی بە کەموکوڕی ئایینیەوە هەیە.

ئەوانەی بەدەست وەسوەسەی ئایینیەوە دەناڵێنن، بەگشتی بۆ کامڵبوونی ئایینی و ئەخلاقی پێوەرێکی توندیان هەیە. کەسێک کە بەدەست ئەم جۆرە وەسوەسەیەوە دەناڵێنێت، جگە لەوەی هەست بە تاوانبارییەکی توند دەکات بەهۆی بیرکردنەوە و ڕەفتارە ناپاکەکانەوە،تووشی خەمۆکی و دڵەڕاوکێ دەبێت.

ئەو کەسانەی کە وەسوەسەی ئایینییان هەیە، ئارەزووی بەهێزیان هەیە بۆ ئەنجامدانی ڕەفتاری ناچاری کە دەتوانێت ببێتە هۆی لێخۆشبوون یان گەڕانەوەی بارودۆخی ئایینی باش. بۆ نموونە ترس لە چوونە دۆزەخ، ترس لە نەبوونی ئیمانی، ترس لە ئەنجامدانی ڕەفتاری گوناهبار یان بێ ئەخلاقی.

:جۆرەکانی وەسوەسەی ئایینی

ترس لە بەشداریکردن لە ڕەفتارێکی نائەخلاقی: بۆ نموونە لە فیلمێکدا دیمەنێکی سێکسی دەبینێت و پێی وایە تووشی گوناه بووە. ئەم جۆرە وەسوەسە بەگشتی ڕەگ و ڕیشەی لەو باوەڕانەدایە کە مرۆڤ لە منداڵییەوە لەگەڵیدا گەورە بووە.

وەسوەسەی ئایینی پیسی: لەم جۆرە وەسوەسەدا بۆ نموونە لە کاتی نوێژکردندا مرۆڤ لە دڵی خۆیدا

پێش نوێژکردن خۆی پاککردبێتەوە. ئەگەر ئەم جۆرە بیرکردنەوانە بەردەوام بێت، تووشی سترێس و دڵەڕاوکێ دەبێت.

وەسوەسەی ئایینی، سووکایەتیکردن: لەم جۆرە وەسوەسەدا، کەسەکە بەردەوام بیر لە سوکایەتیکردن بەو شتە پیرۆزانە دەکاتەوە کە بێ ئیرادە بە مێشکیدا هاتووە. بۆ نموونە دەچێتە مزگەوت و بیرکردنەوەکانی سوکایەتیکردن بە پێغەمبەر دێتە مێشکی وە بەزەحمەت دەتوانێت کۆنتڕۆڵیان بکات.

:وەسوەسەی ناڕەزایەتی شێوەی جەستە

نەخۆشانی ئەم وەسوەسە سەرقاڵی کەموکوڕییە خەیاڵییەکانن لە ڕواڵەت یان دەموچاویاندا، ئەم سەرقاڵییە دەروونییە دەبێتە هۆی لەناوچوونی بوارە گرنگەکانی کارایی نەخۆشەکە، ئەگەر کەمێک نائاسایی جەستەیی هەبێت، نیگەرانی نەخۆشەکە لەو بارەیەوە لە ڕادەبەدەر و ئازاربەخشە. باوترین نیگەرانییەکان پەیوەندییان بە کەموکوڕیەکانی دەموچاوەوە هەیە، بەتایبەتی لووت، هەندێک جار نیگەرانی ناڕوونە و تێگەیشتن لێی قورسە،لە توێژینەوەیەکدا دەرکەوتووە کە نەخۆشەکان سەبارەت بە چوار ناوچەی لەش نیگەرانییان هەیە. بەشەکانی تر کە جێگەی نیگەرانین بریتین لە قژ، مەمک و ئەندامی زاوزێ. جۆرێکی پێشنیارکراوی ئەم نەخۆشییە لە پیاواندا ئارەزووی گەورەکردنی جەستە و بەدەستهێنانی ماسولکەی گەورەیە؛ ئەم حاڵەتە دەتوانێت لە ژیانی ئاسایی کەسێک، پاراستنی کارێک یان تەندروستی دەستوەردان بکات.

نیشانە باوەکانی بریتین لە: باوەڕ یان لەدەستدانی ڕواڵەتی ئیسباتکردن، دووری کردن له ئاوێنە و یان بە پێچەوانەوە زۆر لە ئاوێنەدا سەیر کردن و هەوڵدان بۆ شاردنەوەی ئەو عەیبەی گوایە. کاریگەریی ئەم نەخۆشییە لەسەر ژیانی نەخۆشەکە دەتوانێت بەرچاو بێت، زۆرینە نەخۆشە تووشبووەکان خۆیان لە بەریەککەوتنی کۆمەڵایەتی و پیشەیی بەدوور دەگرن. یەک لەسەر سێی نەخۆشەکان لە ماڵەوە دەمێننەوە، چونکە ترسیان هەیە گاڵتەیان پێبکرێت بەهۆی ئەوەی گوایە کەموکوڕییان هەیە و یەک لەسەر پێنجیان خۆیان دەکوژن